ताजा खबर:
देश विकासमा विद्यार्थी बर्गको ठूलो भूमिका ः सभापति पौडेल मृगौलापीडित सिजन खत्रीलाई फेरी कतारबाट सहयोग, सहयोग रकम जुट्दै विकासक्रमलाई गति दिन तत्काल निर्वाचन आवश्यक : कुवँर जग्गा अभावमा अस्पताल भवन निर्माणकार्य अन्योलमा भूकम्प लगत संकलन कार्य लमजुङमा अन्तीम चरणमा÷लमजुङका विभिन्न गाउँमा गएका इन्जीनियर फर्कदै जिल्ला कारागार आत्मनिर्भर बन्ने थलोको रुपमा विकास हुदै, कारागारमा क्षमताभन्दा तेब्बर कैदीबन्दी बस्दै पत्रकारीताको क्षेत्रमा योगदान पुर्याएको भन्दै रेडियो मस्र्याड्दीका मिना गुरुड र पत्रकार पौडेललाई सम्मान नेपाल पत्रकार महासंघ लमजुङ शाखाको अध्यक्षमा आश गुरुङ निर्वाचित, लमजुड म्युजीक सोसाइटीले फागुन एक गतेलाई स्थापना दिबशको रुपमा मनाउने, नयाँ बर्ष २०७४ को अबसरमा सांगीतीक कार्यक्रम गर्ने मञ्जरी नाट्य समूह लमजुङद्धारा प्रदर्शन गरीएको फड्के नामक नाटक हेर्न दर्शकको घुइचो
अहिले प्रसारणमा :
गुरुङभाषामा समाचार
केहि छिनमा :
कार्यक्रम नेपाल चौतारी
फिचर न्यूज
बेशीसहर ५ तालफाटँका एक विक दम्पती तरकारी खेतीमा रमाउदै

बेशीसहर ५ तालफाटँका एक विक दम्पती तरकारी खेतीमा रमाउदै
added on Jan 04

बेलिना थापा, बेशीसहर । 
बेशीसहर नगरपालिका वडा नम्बर ५ टारगाउँ तालफँटका एक विक दम्पती तरकारी खेतीमा ब्यस्त छन् । उनीहरु, हुन् बिरबहादुर विक अनी चिजा विक । ती दम्पतीको मेहेनत देखेर प्रशंसा नगर्ने कोही छैन । 
९ बर्ष साउदीअरबमा काम गरेका विरबहादुर विक, विदेशमा पनि तरकारी खेती गर्ने गर्थे  । विदेशमा दुख हुनुका साथै आफ्नो परिवार सँग साथमा हुन नपाउदा दुखी बनेका उनी गाउँमै फर्कीएर तरकारी खेतीतर्फ लागेका हुन् । २०४५ सालदेखी तरकारी खेती गर्दै आएका ६१ बर्षिय विरबहादुर र ३९ बर्षिय चिजा आजभोली तरकारीमै रमाइरहेका छन् । बेलुका तरकारी टिपेर राख्ने अनी विहानै ६ बजे दुवै जना दुई डोको तरकारी बोकेर सदरमुकाम बेशीसहर आइपुग्छन् तरकारी विक्रीका लागि । 
करिब एक घण्टाको समय लगाएर बजारमा आई तरकारी विक्री गर्ने गरेका छन् । विक दम्पतीको बारीमा अहिले, काउली, बन्दा, घिउ सिमी, रायो साँग, तोरी साँग, खोले साँग, गाजर, गोलभेडा धनिया जस्ता प्रशस्त तरकारीका बोटहरु छन् । ५ रोपनी जग्गामा तरकारी गरेका दम्पतीले तरकारीबाट फाइदा लिदै आएका छन् । आफुहरुले ताजा तरकारी बेशीसहर बजारमा बिक्री गर्न ल्याउने भएकाले पनि बजारको समस्या नरहेको विरबहादुर बिक बताउनुहुन्छ  ।
विक दम्पतीले तरकारी खेती बाहेक ८ हलको धान खेती पनि गरेका छन् । केही जग्गा आफ्नै भएपनि केही बन्दकीमा लिएर खेती गरीदै आएको विकले बताउनुभयो ।  सिजन अनुसार तरकारी खेती गर्दै आएका विक दम्पतीले दुइटा भैसी, १३ वटा बाख्राहरु पनि पाल्दै आएका छन् । 
दम्पतीको काममा बुहारी विबा विक, नातीहरु आशिक र साखिलले पनि सहयोग गर्दै आएका छन् । उनका छोरा बिरेन्द्र विकको भने २०६२ सालमा गाडी दुर्घटनामा परि २५ बर्षको उमेरका ज्यान गएका थिए । साउदीमा रहेका विरबहादुर आफ्नो छोराको खबर पाएपछि घर फर्केका थिए । घरमा कमाउने मान्छ्े नभएपछि आफु बुढाबुढीले तरकारी खेती लगाउने विचार बनाएको विक बताउनुहुन्छ । विकले आफ्नो दुई नातीको भविष्यको लागि, भरणपोषणका लागि दुख गर्दै आएको बताउछन् । उनका नातीहरु आशिक १० कक्षामा र साखिल ६ कक्षामा बालकल्याण मावि भकुण्डेमा अध्ययन गर्दैआएका छन् । 
सनिबारको समयमा नातीहरुले पनि आफ्नो काममा सहयोग गर्दै आएको हुजरआमा चिजा विकले बताइन् । उनले तरकारी बारीमा काम गर्दा तरकारी बोकेर बजार बिक्रीका लागि लैजादा आनन्द लाग्ने बताउनुभयो । 
विक दम्पतीले मासिक रुपमा घरखर्च कटाएर ४० हजार रुपैया बचत गर्दै आएका छन् । 
समय समयमा खेताला लगाएर तरकारी खेती गर्दै आएका दम्पतीलाई जिल्ला कृषि विकास कार्यलयले पनी ४० हजार अनुदान उपलब्द गराएको थियो । विक दम्पतीले विदेशमा भन्दा स्वदेशमै आफ्नै परिवार सँग बसेर काम गर्दाको फरक अनुभव हुने बताउछन् । 
 

कार्यक्रम तालिका
कार्यक्रम नेपाल चौतारी 8.15AM - 9.00AM लोक तथा दोहरी गीतहरु 9.15AM - 10.00AM राष्ट्रिय तथा अन्तराष्ट्रिय खवरहरुल 10.00AM - 10.30AM पप गीतहरु 10.30AM - 11.00AM नेपाली चलचत्रिका गीतहरु 11.00AM - 12.00PM हिन्दी गीतहरु 12.00PM - 1.00PM » सबै हेर्नुहोस्