ताजा खबर:
पुननिर्माण सँगै मुहार फेर्दै राइनासकोट लमजुङमा अब ब्यक्तीगत घटना दर्ता अनलाइनबाट अदुवाले उचित बजार नपाउँदा पूर्वी लमजुडका किसान चिन्तीत, ग्राहकको पर्खाइमा किसान लमजुङमा नेकपा एमाले र माओबादी केन्द्रविच सहकार्य लमजुडमा प्रधानमन्त्री कृषि आधुनिकीकरण परियोजना अन्र्तगतका काम धमाधम संचालन हुदै गिलुङका ग्रामिण महिलाका लागि निशुल्क स्वास्थ्य शिविर संचालन, ७७ महिला लाभान्वीत वृद्धाले कविता मै पोखे, जेष्ठ नागरिकका पिडा राधी विद्युतको ४ लाख १० हजार कित्ता आइपीओ खुला बेसीशहरस्थित आदर्श बालगृहका चारजना बालबालिकालाई परिवारमा पुनस्थापना, खिन्चोक छाउनी कप फुटबल प्रतीयोगिताको उपाधी सेभेनलक्की युवा क्लब हिलेबजारको पोल्टामा
अहिले प्रसारणमा :
महिला आवाज
केहि छिनमा :
मस्र्याङदी समाचार
स्थानिय खबर
घलेगाउँमा आन्तरिक पर्यटकको लर्को

घलेगाउँमा आन्तरिक पर्यटकको लर्को
added on Feb 11


निरज अधिकारी
 घलेगाउँ, लमजुङ ।
दक्षिण एशियाकै बहुचर्चीत लमजुङको पर्यटकीय गाउँ घलेगाउँमा पछिल्लो समय आन्तरिक पर्यटकको लर्को लागेको छ । विगतमा चिसो मौसममा पर्यटक संख्या घट्ने गरेपनि यो वर्ष भने पर्यटक आगमन संख्यामा कुनै कमी नआएको घलेगाउँ पर्यटन विकास समितिका कार्यालय सचिव दिर्घ घलेले बताए । 
‘जाडो समय भएपनि घलेगाउँ आउने पर्यटकको दर बढेको छ, दैनिक दुई सय बढी आन्तरिक पर्यटक घलेगाउँ आउँछन् । बाह्य पर्यटकको आगमन भने १५ प्रतिशत मात्र छ । उनले भने ।
चालू आव ०७३÷७४ को हालसम्म २५ हजार भन्दा बढी पर्यटक घलेगाउँ पुगेको समितिले राखेको तथ्याङ्कले देखाउँछ् । गत आवमा ३५ हजार पर्यटक घलेगाउँ पुगेका थिए । 
आँखै अगाडी हिमशृङ्खला, गाउँको अर्गानिक परिकार, र होमस्टेले गर्दा पनि घलेगाउँमा पर्यटकको दर बढ्दो रहेको छ । एक सय २० घरधुरी रहेको घलेगाउँमा ३३ घरमा होमस्टे सञ्चालन गरिएको छ, भने ५ घरमा होमस्टे निर्माण हुँदैछ ।
गाउँस्थित दलित बस्तीमा पनि २ वटा सुधारिएको होमस्टे रहेको छ । ‘दलित बस्तीमा रहेका होमस्टेमा पनि पर्यटक आगमन राम्रो रहेको घलेगाउँ पर्यटन विकास समितिका अध्यक्ष प्रेम घलेले बताए ।
२०५७ साल बाट होमस्टे सञ्चालनमा आएको घलेगाउँमा ३३ घरले नियमित सेवा दिइरहेका छन् । घलेगाउँमा हाल दैनिक २ सय भन्दा बढी पाहुनालाई सेवा दिन सक्ने क्षमता रहेको समितिले जनाएको छ ।
घलेगाउँमा पर्यटकको आगमनसँगै स्थानीय बासिन्दाको आर्थिक स्तर पनि उकासिँदै गएको छ । लमजुङको सदरमुकाम बेसीसहरबाट मोटरमा दुई घण्टामा घलेगाउँ पुग्न सकिन्छ । समुद्री सतहबाट २ हजार १ सय मिटर उचाइमा रहेको घलेगाउँबाट देखिने मनास्लु, अन्नपूर्ण ४, गंगापूर्ण, हर्क गुरुङ पिकलगायत हिमालले त्यहाँ पुग्ने जो सुकैलाई लोभ्याउने गरेको छ । यसका अलवा घलेगाउँ पुग्ने पर्यटकले उत्तरकन्या मन्दिर, चियाबगान, भेडीगोठसमेत हेर्न पाउँछन् ।
हिमालै हिमालको काखमा रहेको झन्डै सातसय वर्ष पुरानो घलेगाउँमा हिमाली दृष्यावलोकन, सुधारिएको होमस्टेसँगै परम्परागत गुरुङ संस्कृति झल्कने घाँटु, सोरठी, सेर्गा, कृष्ण चरित्र लगायतका नृत्य, नमुना चिया बगानको अवलोकन, गुरुङ खाना, सूर्योदय र सूर्यास्तको दृष्यावलोकन गर्न सकिन्छ । यस्तै सामूहिक भेडापालनको अवलोकन, बोटानिकल गार्डेन र भ्यु टावर आदि घलेगाउँका आकर्षणहरु हुन । घलेगाउँमा पर्यटकलाई थप आकर्षित गर्न तीन ठाउँमा पार्क निर्माण समेत गरिएको छ ।
पर्यटक तान्दै पर्यटन संङ्ग्रालय
घलेगाउँमा निर्र्माण गरिएको पर्यटन संग्रालयले समेत पर्यटक आकर्षण बढाएको छ । घलेगाउँ पुग्ने अधिकांश पर्यटक संग्रालयमा पुग्ने समेत संग्रालय संरक्षण समितिका संयोजक पूर्ण बहादुर गुरुङले बताए । 
अन्नपूर्ण संरक्षण क्षेत्र आयोजना  एक्यापको २ लाख सहयोग र स्थानीयको जनश्रमदानबाट उत्त संग्रालय निर्माण गरिएको हो । संग्रालयमा बिशेष गरी गुरुङ जातीको परम्परागत पोसाक, हतियारहरु, बाजा, झयाली लगाएतका ऐतिहाशिक सामाग्रीहरु राखिएको छ । 
पर्यटकीय गाउँ घलेगाउँमा स्पोर्टस घर ‘खेलकुद सामाग्री राख्ने घर’ को समेत निर्माण थालिएको छ । घलेगाउँ घर भई हाल वेलायतमा कार्यरत नवराज घले र रन बहादुर गुरुङको पहलमा स्पोटर््स घर निर्माणका लागी १३ लाख सहयोग भएको छ । 
 
तस्बिरहरु : घलेगाउँको दृश्य, भेडिगोठ, निर्माणधिक स्पोर्टस हाउस ।
 

कार्यक्रम तालिका
भुकम्पीय सुरक्षा 7.00PM - 7.30PM सयपत्री साँझ 8.30PM - 8.45PM विविसि नेपाली सेवा 8.45PM - 9.15PM संझनाको डायरी 9.15PM - 10.00PM मस्र्याङदी समाचार 6.30PM - 7.00PM नेपाल दर्पण 8.00PM - 8.30PM » सबै हेर्नुहोस्