ताजा खबर:
पुननिर्माण सँगै मुहार फेर्दै राइनासकोट लमजुङमा अब ब्यक्तीगत घटना दर्ता अनलाइनबाट अदुवाले उचित बजार नपाउँदा पूर्वी लमजुडका किसान चिन्तीत, ग्राहकको पर्खाइमा किसान लमजुङमा नेकपा एमाले र माओबादी केन्द्रविच सहकार्य लमजुडमा प्रधानमन्त्री कृषि आधुनिकीकरण परियोजना अन्र्तगतका काम धमाधम संचालन हुदै गिलुङका ग्रामिण महिलाका लागि निशुल्क स्वास्थ्य शिविर संचालन, ७७ महिला लाभान्वीत वृद्धाले कविता मै पोखे, जेष्ठ नागरिकका पिडा राधी विद्युतको ४ लाख १० हजार कित्ता आइपीओ खुला बेसीशहरस्थित आदर्श बालगृहका चारजना बालबालिकालाई परिवारमा पुनस्थापना, खिन्चोक छाउनी कप फुटबल प्रतीयोगिताको उपाधी सेभेनलक्की युवा क्लब हिलेबजारको पोल्टामा
अहिले प्रसारणमा :
महिला आवाज
केहि छिनमा :
मस्र्याङदी समाचार
स्थानिय खबर
तीनवटै तहको निर्वाचन कांग्रेसको नेतृत्वमा : सभापति देउवा

तीनवटै तहको निर्वाचन कांग्रेसको नेतृत्वमा : सभापति देउवा
added on Feb 12


निरज अधिकारी
माघ २९, गोरखा ।
पूर्व प्रधानमन्त्री एवं नेपाली काँग्रेसका सभापति शेरबहादुर देउवाले नेपाल अहिले राजनीतिक र संवैधानिक हिसाबले अत्यन्तै महत्वपूर्ण मोडमा रहेको बताउनुभएको छ ।
नेपाली काँग्रेस गोरखा क्षेत्र नंं २ द्धारा हिजो पालुङटारमा आयोजीत बृहत आमसभालाई सम्बोधन गर्दै उहाँले संविधानले परिकल्पना गरेअनुसार तीनवटै तहको निर्वाचनपछि मात्र लोकतन्त्रले स्थायित्व प्राप्त गर्ने बताउनुभयो ।
काँग्रेसकै नेतृत्वमा राजनीतिक परिवर्तनका लागि भएका हालसम्मका सबै आन्दोलनले सफलता पाएको भन्दै उहाँले अब तीनवटै निकायको चुनाव पनि काँग्रेसकै नेतृत्वमा हुने बताउनुभयो । 
वन मन्त्री शंकर भण्डारीले तीनवटै तहको निर्वाचन गर्नुपर्ने अवस्था रहेको र सकेसम्म छिटो निर्वाचन गर्नुपर्ने विषयमा सरकार गम्भीर रहेको बताउनुभयो । राजनीतिक संक्रमण छिटो अन्त्य गरी मुलुकलाई समृद्धितर्फ लैजान काँग्रेस दृढ रहेको उहाँको भनाई थियो । 
स्वास्थ्यमन्त्री गगन थापाले मुलुकलाई राजनीतिक गतिरोधबाट निकास दिन सकेसम्म स्थानीय तहको निर्वाचन आवयक भएको बताउनुभयो । नेपाल अहिले राजनीतिक र संवैधानिक हिसाबले अत्यन्तै महत्वपूर्ण मोडमा रहेको भन्दै उहाँले तीनवटै चुनाव कांग्रेसकै नेतृत्वमा हुने समेत बताउनुभएको थियो ।
केन्द्रिय सदस्य तथा सांसद कमला पन्तले मुलुकलाई गतिरोधको अन्त्यबाट मुत्त गर्न र विकास अवसर सृजना गर्न तत्काल निर्वाचन गर्नुपर्ने आवश्यकता औल्याउनुभयो ।
 केन्द्रिय सदस्य सुरेन्द्र पाण्डेले कांग्रेस विकास केन्द्रित राजनिति तर्फ अग्रसर रहेकाले जनताको आवश्यकतालाई ध्यानमा राखी अघि बढ्ने बताउनुभयो । 
युवा नेता प्रदिप पौडेलले मुलुकका हरेक परिवर्तन तथा समाज रुपान्तरणमा विगत देखिनै नेपाली कांग्रेसको भुमिका महत्व पुर्ण रहेको भन्दै अव विकासका सुचकलाई पहिल्याई अघि बढ्न तयार रहेको बताउनुभयो । 
काग्रेस लमजुङका सभापति भेष बहादुर पौडेलले स्थानीय निकायको निर्वाचन नहुदा विकास निर्माणका कार्य पछि परेको भन्दै स्थानीय निकायको निर्वाचन सँगै विकासका क्षेत्रमा अघि बढ्न आवश्यक रहेको बताउनुभयो । कार्यक्रममा कांग्रेस लमजुङका सचिव हरि बराल, कोषाध्यक्ष श्रीकान्त घिमिरे लगाएत लमजुङ, गोरखा, तनहुँका नेता कार्यकर्ताको उल्लेख उपस्थिति थियो । 
कांग्रेस क्षेत्र नं. २ का सभापति किरन रानाको अध्यक्षतामा भएको कार्यक्रममा लमजुङबाट समेत नागरिकहरुको उल्लेख सहभागीता थियो ।
 

 


कार्यक्रम तालिका
भुकम्पीय सुरक्षा 7.00PM - 7.30PM सयपत्री साँझ 8.30PM - 8.45PM विविसि नेपाली सेवा 8.45PM - 9.15PM संझनाको डायरी 9.15PM - 10.00PM मस्र्याङदी समाचार 6.30PM - 7.00PM नेपाल दर्पण 8.00PM - 8.30PM » सबै हेर्नुहोस्