Community Radio Marsyangdi 95 MHz
Center for Community Development and Communication,Lamjung

ताजा खबर

त्रिभुवन क्याम्पसमा स्नाकोत्तर तह थप गर्न पहल गर्छु : पूर्वमन्त्री जोशी

SITENAME

निरज अधिकारी
मंसिर २० गते । पूर्व शिक्षामन्त्री एवं नेपाली कांग्रेसका पूर्व सह महामन्त्री गोविन्दराज जोशीले त्रिभुवन क्याम्पसमा स्नाकोत्तर तह तथा शंकाय थप गर्न पहल गर्ने बताउनुभएको छ । तनहुँको भानु ११–मानेचौकास्थित रहेको सोहि क्याम्पसको पाँचौं बार्षिकोत्सव तथा अभिभावक भेलालाई सम्बोधन गर्दै उहाँले क्याम्पसको स्तरोन्नतिका लागि स्थानीय तहले विशेष भूमिका खेली प्रदेश सरकारमार्फत समेत सहयोग भित्रर्याउन भूमिका खेल्नुपर्ने बताउनुभयो ।
उहाँले आफ्नो सक्रियतामा स्थापित क्याम्पस तनहुँ र लमजुङको सुन्दरबजार क्षेत्र समेतका लागि आवश्यकता महसुस गरेर स्थापना भएको बताउँर्दै शैक्षिक स्तर उकास्न सबै लाग्नुपर्नेमा जोड दिनुभयो ।
कार्यक्रमका  नेपाली कांग्रेसका पूर्व सभापति रघुनाथ पौडेलले मानेचौका क्षेत्रको विकासका लागि पूर्व मन्त्री जोशीको विशेष देन भएको बताउनुभयो । उहाँले जोशीको सक्रियताबाट क्याम्पसले थप विकास गर्ने विश्वास व्यक्त गर्नुभयो ।
जिल्ला समन्वय समिति तनहुँका प्रमुख शान्तिरमण वाग्लेले आधुनिक शिक्षा अहिलेको अपरिहार्य आवश्यकता भएको भन्दै क्याम्पसको सर्वागिंण विकासका लागि प्रदेश सरकारसँग समन्वय गर्ने बताउनुभयो ।  प्रमुख जिल्ला अधिकारी भरतकुमार शर्माले क्याम्पसको गुणस्तर वृद्धि र स्थानीयस्तरमा रोजगार श्रृजना गर्नका लागि क्याम्पसमा इञ्जिनियरिङ शिक्षा थप गरी पठनपाठन गराउनुपर्ने बताउनुभयो ।  
क्याम्पस सञ्चालक समितिका अध्यक्ष एवं भानु नगरपालिकाका प्रमुख उदयराज गौलीले आफू अध्यक्ष रहँदासम्म क्याम्पसको विकासमा सक्दो पहल गर्ने भन्दै स्थानीयबाट साथको अपेक्षा गरेको बताउनुभयो ।
नेपाल महिला संघकी केन्द्रीय सदस्य चिनु पोख्रेलले तनहुँको उत्तरी भेग भए पनि रुपाकोटका नागरिक शिक्षाका कारण नै विभिन्न तहमा आफ्नो नेतृत्व लिन सफल भएको बताउनुभयो । उहाँले महिलाविरुद्ध हुने हिंसा नियन्त्रणमा सरकार असफल भएकोसमेत टिप्पणी समेत गर्नुभयो ।
कार्यक्रममा लमजुङको सुन्दरबजार नगरपालिकाका प्रमुख जनकराज मिश्र, नेपाली कांग्रेसका महाधिवेशन प्रतिनिधि टेकबहादुर गुरुङ लगायतले बोलेका थिए ।
क्याम्पस प्रमुख हरिबहादुर बोहोराले कार्यक्रममा प्रगति प्रतिवेदन प्रस्तुत गरेका थिए । कार्यक्रममा क्याम्पसका रत्नबहादुर तामाङले आर्थिक प्रतिवेदन प्रस्तुत गरेका थिए ।

 

प्रतिकृया दिनुहोस
SITENAME

वुवाको सम्झनामा हमालले गरे सर्वोदय सेवाश्रमलाई आर्थिक सहयोग

गैंडाकोट नगरपालिका १३ बेलिया नवलपुर निवासी रामवहादुर हमालले राइनासमा रहेको सर्वोदय सेवा आश्रमलाई आर्थिक सहयोग प्रदान गर्नुभएको छ । पूर्खौली घर

SITENAME

ल्होसारमा सार्वजनिक विदा दिने गण्डकी प्रदेश मुख्यमन्त्रीको घोषणा,आर्थिक समृद्धि शहरमा मात्र सिमित नभएको उहाँको दावी

गण्डकी प्रदेशका मुख्य मन्त्री पृथ्वीसुव्वा गुरुङले तमुहरुको पर्व ल्होसारमा सार्वजनिक विदा दिने घोषणा गर्नुभएको छ । लमजुङको घलेगाउँ स्मार्ट भिलेज

SITENAME

पुस १५ गते सार्वजनिक विदा दिन गुरुङ समुदायको माग

गुरुङ समुदायले पुस १५ गते तमु ल्होसारमा राष्ट्रिय विदा पाउनुपर्ने सरकारसँग माग गरेका छन् । २०६२/२०६३ को जनआन्दोलनपछि गठित अन्तरिम सरकारले