Community Radio Marsyangdi 95 MHz
Center for Community Development and Communication,Lamjung

ताजा खबर

पुस्तकालय सीतादेवीको ‘माईतिघर’

SITENAME

निरज अधिकारी
बेसीशहर । काला अक्षर भैसी बराबर मान्ने बेसीशहरकी ५५ वर्षीय सीता देवी पौडेल यतिवेला ईन्टरनेटको दुनियाँमा मस्त हुनुहुन्छ । अक्षर चिन्न नसक्ने उहाँलाई आजभोली ईन्टरनेटमा गफ गर्ने, फेसबुक चलाउने, यूट्युव खोल्ने देखी नयाँ–नयाँ सामाग्री खोलेर हेर्ने कुरा सामान्य जस्तै भैसकेका छन् । पौडेललाई यस स्थानमा पु¥र्याउने माध्यम बन्यो लमजुङ सदरमुकाम बेसीशहरमा रहेको लक्ष्मीनारायण सामुदायिक पुस्तकालय ।
पुस्तकालयमा छिर्दा अगाडी रहेको पुस्तक फयाकिँदिने पौडेल यतिवेला कविता लेख्ने, पत्रपत्रिका पढ्ने र अरुलाई सुनाउन सक्ने भईसक्नुभएको छ । यतिवेला पढ्न र सिक्न उमेरले छेक्दैन भन्ने कुराको उदारण बन्नुभएको छ् सितादेवी पौडेल । उहाँको लगनशिलता, बोलीचालीले जुनसूकै महिलालाई पनि निकै प्रभावित पार्ने गरेको छ ।
उहाँ भन्नुहुन्छ ‘पुस्तकालयलाई मैले आफनो माईतीघर ठानेको छु, जस्ले मलाई यस स्थानसम्म ल्याउन ठूलो सहयोग पु¥र्याएको छ । ‘केहि नजान्ने बालबालिका जस्तो मलाई यो पुस्तकालयले सिकाउँदै सिकाउँदै ठूलो मान्छे बनाएको जस्तो लाग्छ ।’ उहाँले थप्नुभयो ।
सीतादेवी मात्र नभई अधिकांश महिलाहरुको जीवनमा आमुल परिवर्तन ल्याउने माध्यम बनेको छ, लक्ष्मीनारायण पुस्तकालय । यस पुस्तकालयबाट समय समयमा प्रदान गरिने सिपमुलक तालिमहरुबाट अधिकांश महिला आफनो खुट्टामा उभ्भिन सक्ने भएका छन् । धैरै पढ्न नसकेका महिलाहरुलाई यस पुस्तकालयबाट विभिन्न समयमा दिईएको व्युटिसियन, हाते गढाई, किस्टल गहना, चप्पल निर्माण जस्ता व्यवसायीक तालिमले जीवनमा परिवर्तन ल्याईदिएको छ । यस पुस्तकालयबाट व्युटिसियन तालिम लिएकी बेसीशहर नगरपालिका १, उदिपुरकी सीता श्रेष्ठ यतिवेला व्युटिसियन प्रशिक्षक भएर अन्य महिलाहरुलाई तालिम दिँदै आउनुभएको छ । त्यस्तै हाते गढाई तालिम लिनुभएका बेसीशहर नगरपालिकाकै सुनिता घिमिरे, साधना पन्त समेत प्रशिक्षकको रुपमा काम गर्दै आउनुभएको छ । अन्य कतिपयले तालिमपश्चात व्यवसायीक रुपमा कामहरु गर्दै आएको पाईन्छ ।
    यस पुस्तकालयले दैनिकी गुजारा टार्न उत्सुक महिलाहरुका लागी महिला सशक्तिकरणका लागी आयआर्जन कार्यक्रम समेत प्रदान गर्दै आएको छ । महिलाहरुलाई कुखुरा, बाख्रा पालन, तरकारी खेती जस्ता व्यवसायीक कृषि सम्बन्धी तालिम समेत प्रदान गरेको छ । यस्ता आर्यआर्जन सम्बन्धी तालिममा करिब दुई सय बढी महिलाहरु सहभागी भईसकेको पुस्तकालयले जनाएको छ । विगतमा जिल्ला सदरमुकाम बेसीशहरमा एउटा कार्यक्रम, भेला समेत गर्ने ठाउँ नभएको अवस्थामा यस २०५४ सालमा यस पुस्तकालयको परिकल्पना गरिएको हो । खोज अनुसन्धानमा लक्ष्मीनारायण सामुदायिक पुस्तकालय २०२८ सालमा स्थापना भई बन्द भएको थाहा पाएपछि उक्त जग्गामा यसको पुनःनिर्माण गरी २०५४ सालबाट पुस्तकालयको स्थापना गरिएको पुस्तकालयका अध्यक्ष नारायणबहादुर सुँयलले बताउनुभयो ।
उहाँका अनुसार त्यसवेलाको लमजुङ यूवा साहित्य समाज सहित विभिन्न व्यक्तित्वको पहलमा पुस्तकालय पुन स्थापना गरी सञ्चालनमा आएको हो । २०६४ सालमा आएर पूर्ण भवन स्थापना गरीएको यस लक्ष्मीनारायण सामुदायिक पुस्तकालय यतिवेला विश्वकै १० ओटा पुस्तकालय अन्तर्गत सुचिकृत हुन पुगेको छ ।
पुस्तकालय सञ्चालनमा उपयुक्त आयस्रोतको कमी भएकाले भवनको सटरहरु भाडामा दिई त्यसबाट आएको रकमले आवश्यक सामाग्री तथा कर्मचारी पाल्दै आईएको पुस्तकालय व्यवस्थापन समितिका महासचिव  दीपक अधिकारीले बताउनुभयो ।
लक्ष्मीनारायण सामुदायिक पुस्तकालयमा यतिवेला विभिन्न पुस्तक गरी ८ हजार पुस्तक रहेको छ । पुस्तकालयमा बाल उत्थान, मनजोरञ्जन, पत्रपत्रिका, लेख, रचना, जीवनी, श्रव्यदृश्य, कला सहित्य, ईन्टरनेट लगाएतको सुविधा रहेको छ । जस्ले आम पाठकलाई पुस्तकालयमा पुगी आफना ईच्छा, रुची अनुसार अध्ययन तथा मनोरञ्जन गर्न सहयोग पु¥र्याएको छ ।
यस पुस्तकालयबाट लक्ष्मीनारायण नामक सहकारी समेत सञ्चालनमा ल्याईएको छ । पुस्तकालयले सूचना तथा सञ्चार क्षेत्रमा समेत आम सर्वसाधारण नागरिकलाई ठूलो योगदान पुर्याएको छ । यस पुस्तकालय पुस्तकको भण्डार समेत नभई विभिन्न संघ संस्थाको कार्यक्रम, गोष्ठी, भेला, वैठकका लागी समेत उपयुक्त हुने गरेको छ ।
लमजुङ जिल्लामा कार्यरत ८० भन्दा बढी संघ संस्था, जिल्ला प्रशासन कार्यालय, जिल्ला शिक्षा कार्यालय, जिल्ला प्रहरी कार्यालय, सम्पूर्ण वडा, नगरपालिकाबाट यस पुस्तकालयको विकासमा सहयोग पुगेको पुस्तकालयका अध्यक्ष सुँयलले बताउनुभयो ।
प    छिल्लो समय आर्थिक अभावमा नयाँ पुस्तक खरिदमा समस्या बढेतापनि पुस्तकालयलाई आम पाठकको प्रिय बनाउन क्रियाशिल रहेको बताईएको छ ।

 

 

प्रतिकृया दिनुहोस
SITENAME

वुवाको सम्झनामा हमालले गरे सर्वोदय सेवाश्रमलाई आर्थिक सहयोग

गैंडाकोट नगरपालिका १३ बेलिया नवलपुर निवासी रामवहादुर हमालले राइनासमा रहेको सर्वोदय सेवा आश्रमलाई आर्थिक सहयोग प्रदान गर्नुभएको छ । पूर्खौली घर

SITENAME

ल्होसारमा सार्वजनिक विदा दिने गण्डकी प्रदेश मुख्यमन्त्रीको घोषणा,आर्थिक समृद्धि शहरमा मात्र सिमित नभएको उहाँको दावी

गण्डकी प्रदेशका मुख्य मन्त्री पृथ्वीसुव्वा गुरुङले तमुहरुको पर्व ल्होसारमा सार्वजनिक विदा दिने घोषणा गर्नुभएको छ । लमजुङको घलेगाउँ स्मार्ट भिलेज

SITENAME

पुस १५ गते सार्वजनिक विदा दिन गुरुङ समुदायको माग

गुरुङ समुदायले पुस १५ गते तमु ल्होसारमा राष्ट्रिय विदा पाउनुपर्ने सरकारसँग माग गरेका छन् । २०६२/२०६३ को जनआन्दोलनपछि गठित अन्तरिम सरकारले