साहित्यकार मिश्रको ‘भजनागोः शिव महिमा’ भजन सार्वजनिक

मर्स्याङदी समाचार, ३ फागुन ।
सामाजिक कार्य र साहित्य क्षेत्रमा क्रियाशिल लमजुङका लक्ष्मी प्रसाद मिश्रको भजनागोः शिव महिमा सार्वजनिक भएको छ । साहित्यकार मिश्रको शब्दरचना, संगित र गायनमा तयार गरिएको भजन शैलीको संगितमय प्रस्तुती महाशिवरात्रीको अवसरमा आइतबार युट्युब च्यानलमार्फत सार्वजनिक गरिएको हो ।

भजन गायनमा तृप्ति खड्का गुरुङको समेत स्वर रहेको छ भने भजनको परिकल्पना दीर्घ वहादर चन्दले गर्नुभएको हो । संगित संयोजन तथा मिक्सिङ नरेश पाण्डेको रहेको छ । सारेगामा स्टुडियोमा रेकर्डिङ तथा निमार्ण गरिएको भजनको भिडियो सम्पादन र पोष्टर डिजाइन विजय गुरुङले गर्नुभएको हो ।

शिवभक्ति केन्द्रित भजन तृप्ति खड्का गुरुङ युट्युब च्यानल मार्फत सार्वजनिक गरिएको छ भने शिवरात्रीकै दिन रेडियो मर्स्र्याङदीमा समेत पहिलो पटक प्रसारण गरिएको छ । लमजुङमा रहेको कर्मदा सृजना मञ्च सहित अन्य साहित्य सस्थां र सामाजिक सस्थामा सक्रिय रहनुभएका मिश्रको यस अघि चालु गिति संग्रह सार्वजनिक भइसकेको छ ।