बेसीशहरमा पोषणमैत्री स्थानीय शासनसम्बन्धी कार्यशाला

मर्स्याङदी समाचार, २८ साउन
बेसीशहरमा पोषणमैत्री स्थानीय शासनसम्बन्धी एकदिने कार्यशाला सम्पन्न भएको छ । वर्ल्ड भिजन इन्टरनेसनल नेपालको सहकार्य तथा ग्रामीण सामुदायिक विकास केन्द्र (आरसिडिसि) नेपालको आयोजनामा कार्यशाला भएको हो ।

कार्यशालामा सहजकर्ता अशोक खनालले पोषणमैत्री स्थानीय शासन, स्थानीय तहमा पोषणको अवस्था सुधार तथा पोषणसम्बन्धी योजना र कार्यक्रमलाई प्रभावकारी बनाउने विषयमा प्रशिक्षण दिनुभएको थियो ।

कार्यक्रममा शुभकामना मन्तव्य राख्दै बेसीशहर नगरपालिका उपप्रमुख पद्मा गुरुङले स्थानीय तहबाट पोषणसम्बन्धी कार्यक्रमलाई प्राथमिकतामा राख्दै बालबालिका, गर्भवती तथा सुत्केरी महिला लगायत समुदायको पोषण अवस्था सुधार गर्न सबै पक्षको सहकार्य आवश्यक रहेको बताउनुभयो ।

कार्यशालामा पालिकास्तरीय पोषण तथा खाद्य सुरक्षा समितिका पदाधिकारी, वडास्तरीय पोषण तथा खाद्य सुरक्षा समितिका पदाधिकारी तथा स्वास्थ्य संस्थाका प्रमुख एवं प्रतिनिधिहरूको सहभागिता रहेको थियो ।

कार्यक्रमको उद्देश्य वर्ल्ड भिजन इन्टरनेसनल नेपालका जीविकोपार्जन संयोजक सुनिता तोलाङ्गीले प्रस्तुत गर्नुभएको थियो भने कार्यक्रमको सञ्चालन आरसिडिसिका बाल संरक्षण अधिकृत बेन्जिर थापाले गर्नुभएको थियो ।

Community Radio Marsyangdi 95 MHz
Center for Community Development and Communication,Lamjung

ताजा खबर