लमजुङमा कुखुराजन्य वस्तु आयातमा लगाइएको प्रतिबन्ध हट्यो

मर्स्याङदी समाचार, २८ साउन
लमजुङमा बर्ड फ्लु रोगको संक्रमण नदेखिएपछि जिल्लामा बाहिरी जिल्लाबाट कुखुराको मासु, तयारी कुखुरा तथा अण्डा आयात गर्न लगाइएको प्रतिबन्ध हटाइएको छ । भेटेरिनरि अस्पताल तथा पशु सेवा कार्यालय लमजुङका अनुसार बर्ड फ्लु रोगको सम्भावित जोखिमलाई मध्यनजर गर्दै २०८२ चैत २८ गते देखि जिल्लामा बाहिरी जिल्लाबाट कुखुराको मासु, तयारी कुखुरा र अण्डा ओसारपसारमा प्रतिबन्ध लगाइएको थियो ।

कार्यालयले जारी गरेको निर्णयअनुसार लमजुङलगायत आसपासका जिल्लामा बर्ड फ्लु रोगको संक्रमण नदेखिएको तथा प्राप्त पत्रअनुसार अवस्था सामान्य रहेकाले २०८३ साल साउन २८ गतेदेखि बाहिरी जिल्लाबाट कुखुराको मासु, तयारी कुखुरा र अण्डा ओसारपसार गर्न फुकुवा गरिएको हो ।

यससँगै कुखुराजन्य वस्तुको व्यापार तथा आपूर्तिमा सहजता आउने अपेक्षा गरिएको छ । संक्रमणको जोखिम देखिएमा आवश्यक स्वास्थ्य तथा जैविक सुरक्षाका उपाय अवलम्बन गरिने पशु सेवा कार्यालयले जनाएको छ ।

Community Radio Marsyangdi 95 MHz
Center for Community Development and Communication,Lamjung

ताजा खबर