गण्डकी प्रदेश साइक्लिङ संघको सदस्यमा लमजुङका प्रधान र लामिछाने

मर्स्याङदी समाचार, ३१ साउन
पोखरामा सम्पन्न गण्डकी प्रदेश साइक्लिङ संघको प्रथम वार्षिक साधारण सभा तथा अधिवेशनबाट लमजुङका दुई जना साइक्लिङकर्मी प्रदेश कार्यसमितिमा निर्वाचित भएका छन् । साइक्लिङ संघ लमजुङका अध्यक्ष ध्रुर्वराम प्रधान र सदस्य सञ्जोक लामिछाने गण्डकी प्रदेश साइक्लिङ संघको सदस्य पदमा सर्वसम्मत निर्वाचित हुनुभएको हो ।

अशोक चालिसेको अध्यक्षतामा १२ सदस्यीय नयाँ कार्यसमिति गठन गरिएको छ । समितिको उपाध्यक्षमा प्रमिला गुरुङ र भीमबहादुर सुनार, सचिवमा वामन चालिसे, कोषाध्यक्षमा रविस्वर आचार्य र सहसचिवमा डा. पदम घले चयन हुनुभएको छ ।

त्यस्तै सदस्यहरुमा केबी शाही, अरुण पौडेल, धीरज थापासहित लमजुङका ध्रुर्वराम प्रधान र सञ्जोक लामिछाने निर्वाचित हुनुभएको छ । प्रदेश कार्यसमितिमा लमजुङका दुई जना प्रतिनिधित्व भएसँगै जिल्लामा साइक्लिङ खेलको विकास, प्रवद्र्धन तथा खेलाडी उत्पादनमा थप सहयोग पुग्ने अपेक्षा गरिएको छ ।

Community Radio Marsyangdi 95 MHz
Center for Community Development and Communication,Lamjung

ताजा खबर