घलेगाउँ पर्यटन व्यवस्थापन समितिको १६औँ वार्षिक साधारण सभा सम्पन्न

मर्स्याङदी समाचर, २५ असोज
नेपालमा ग्रामीण घरबास (होमस्टे) पर्यटनको सुरुवात र प्रवर्दनमा महत्वपूर्ण योगदान पु¥याउँदै आएको लमजुङको घलेगाउँमा घलेगाउँ पर्यटन व्यवस्थापन समितिको १६औँ वार्षिक साधारण सभा सम्पन्न भएको छ ।

ऐतिहासिक, सार्क नमुना गाउँ तथा देशकै पहिलो स्मार्ट भिलेजका रुपमा परिचित घलेगाउँमा आयोजित साधारण सभा समितिका अध्यक्ष प्रेमबहादुर घलेको अध्यक्षता तथा क्व्होलासोथार गाउँपालिकाका अध्यक्ष सूर्यप्रसाद गुरुङको प्रमुख आतिथ्यतामा भएको हो ।

कार्यक्रमलाई सम्बोधन गर्दै गाउँपालिका अध्यक्ष गुरुङले घलेगाउँको पर्यटन विकासले स्थानीयको आयआर्जन र रोजगारी सिर्जनामा महत्वपूर्ण योगदान पु¥याएको बताउनुभयो । उहाँले घलेगाउँको मौलिक कला, संस्कृति, परम्परा र स्थानीय उत्पादनको संरक्षण तथा प्रवर्दन गर्दै पर्यटनलाई थप व्यवस्थित र दिगो बनाउनुपर्नेमा जोड दिनुभयो ।

कार्यक्रममा क्व्होलासोथार गाउँपालिका–३ का वडाध्यक्ष आश्बिर गुरुङ र अन्नपूर्ण संरक्षण क्षेत्र आयोजना (एक्याप), भुजुङका कार्यालय प्रमुख प्रमोदराज रेग्मी विशेष अतिथिका रुपमा सहभागी हुनुहुन्थ्यो ।

साधारण सभाका अवसरमा उत्कृष्ट होमस्टे सञ्चालक तथा स्थानीय तहमा उल्लेख्य कर योगदान पु¥याउने करदातालाई सम्मान तथा पुरस्कृत गरिएको थियो । वर्षको उत्कृष्ट होमस्टेतर्फ होमस्टे नम्बर ९ का सञ्चालक विष्णु गुरुङ सम्मानित हुनुभएको छ ।

त्यसैगरी, स्थानीय तहमा सर्वाधिक कर योगदान पु¥याएबापत होमस्टे नम्बर ४४ का गंगाबहादुर घले र टिएम होलिडे होमका नवराज घलेलाई नगद पुरस्कारसहित सम्मानपत्र प्रदान गरिएको थियो ।

स्थानीय आमा समूह, युवा क्लब, होमस्टे सञ्चालक तथा बुद्धिजीवीहरुको उल्लेख्य सहभागिता रहेको कार्यक्रममा घलेगाउँको पर्यटन विकास, स्थानीय उत्पादनको बजारीकरण, युवा तथा महिलाको स्वरोजगार, स्थानीय राजस्व वृद्धि र मौलिक गुरुङ संस्कृतिको संरक्षणमा होमस्टे पर्यटनले पु¥याउँदै आएको योगदानबारे चर्चा गरिएको थियो ।

ग्रामीण पर्यटनमार्फत स्थानीय अर्थतन्त्रलाई चलायमान बनाउँदै आएको घलेगाउँ आन्तरिक तथा बाह्य पर्यटकको प्रमुख गन्तव्यका रुपमा परिचित छ । यहाँको होमस्टे पर्यटनले स्थानीय समुदायको आयआर्जन बढाउनुका साथै परम्परागत कला, संस्कृति र जीवनशैलीको संरक्षणमा समेत सहयोग पु¥याउँदै आएको छ । कार्यक्रमको सञ्चालन समितिका सचिव उमलबहादुर विकले गर्नुभएको थियो ।