जनकल्याण सहकारीको अध्यक्षमा क्या. चित्रबहादुर गुरुङ चयन

मर्स्याङदी समाचार, २५ असोज
लमजुङ सदरमुकाम बेसीशहरमा मुख्य कार्यालय रहेर जिल्लाका विभिन्न स्थानबाट वित्तिय कारोबार गर्दै आएको जनकल्याण बचत तथा ऋण सहकारी संस्थाको अध्यक्षमा क्या. चित्रबहादुर गुरुङ चयन हुनुभएको छ । संस्थाको सातौँ अधिवेशनबाट गुरुङको अध्यक्षतामा सर्वसम्मत नयाँ कार्यसमिति चयन भएको हो ।

अधिवेशनबाट समितिको उपाध्यक्षमा पुर्णसिंङ गुरुङ चयन हुनुभएको छ भने सचिवमा लक्ष्मी घले र कोषाध्यक्षमा ज्योती गुरुङ चयन हुनुभएको छ । त्यसैगरी कार्यसमिति सदस्यहरुमा सुवेदार नरबहादुर गुरुङ, लोकबहादुर घले, टकबहादुर गुरुङ, कमला गुरुङ र गमबहादुर घले चयन हुनुभएको छ ।

यसैगरी साकोसको लेखा समिति संयोजकमा बेलबहादुर गुरुङ चयन हुनुभएको छ भने लेखा समिति सदस्यमा गौबहादुर गुरुङ र हिमबहादुर गुरुङ चयन हुनुभएको छ । शनिवार संस्थाको ३० औ साधाराण सभासँगै सातौँ अधिवेशन भएको हो । संस्थाको विधान अनुसार नव निर्वाचित समितिको कार्यकाल चार वर्षको रहने साकोसले जनाएको छ ।