छैटौँ भोटेवडार, तार्कुकोट मिनि म्याराथनमा तनहुँका सनम गुरुङ प्रथम

मर्स्याङदी समाचार, १ कार्तिक
लमजुङको सुन्दरबजार नगरपालिका–८, भोटेवडारमा आयोजित छैटौँ भोटेवडार तार्कुकोट मिनि म्याराथन २०८३ मा तनहुँका सनम गुरुङ प्रथम हुनुभएको छ । उहाँले निर्धारित दूरी ३४ मिनेट ५८ सेकेन्डमा पूरा गर्दै उपाधि जित्नुभएको हो ।

प्रतियोगितामा खोटाङका धिरन राई ३६ मिनेट २४ सेकेन्डमा दूरी पूरा गर्दै दोस्रो हुनुभयो भने ओखलढुंगाका पृथ्वी राईले ३६ मिनेट ४० सेकेन्डमा दूरी पार गर्दै तेस्रो स्थान हासिल गर्नुभयो । त्यस्तै, गोरखाका सरोज गिरीले ३८ मिनेट ४० सेकेन्डमा दौड पूरा गर्दै सान्त्वना स्थान प्राप्त गर्नुभयो ।

प्रतियोगितामा १३ वर्षीय सुगम पहारी कान्छा धावकका रुपमा सहभागी हुनुभएको थियो । सुन्दरबजार नगरपालिका–८, लमजुङका पहारीलाई प्रोत्साहनस्वरुप नगद एक हजार रुपैयाँ प्रदान गरिएको आयोजकले जनाएको छ ।

प्रतियोगितामा विभिन्न स्थानका २४ जना धावक सहभागी भएका थिए । अकला युथ क्लबको आयोजनामा सम्पन्न प्रतियोगिताले ऐतिहासिक, धार्मिक तथा पर्यटकीय महत्व बोकेको तार्कुकोटको प्रचारप्रसार गर्नुका साथै स्थानीय पर्यटन प्रवद्र्धनमा महत्वपूर्ण योगदान पु¥याउने विश्वास आयोजकले लिएको छ ।

तार्कुकोटको पहिचानलाई राष्ट्रियस्तरमा चिनाउने र खेलकुदका माध्यमबाट पर्यटन विकासमा टेवा पु¥याउने उद्देश्यले प्रतियोगिता आयोजना गरिएको हो ।