मर्स्याङदी समाचार, २९ माघ । 
चर्चित रियालिटि सो ‘भ्वाइस अफ नेपाल’ की फाइनलिष्ट सन्जिता दुरा भोट माग्दै गृह जिल्ला लमजुङ आएकी छिन् । 

लमजुङको सुन्दरबजार नगरपालिका–११ सिन्दुरे, दुराडाँडाकी दुरा अहिले ‘द भ्वाइस अफ नेपाल’ को सातौँ सिजनमा उत्कृष्ट प्रस्तुति दिँदै निर्णायक चरणको उत्कृष्ट चारमा पुगेकी छिन् । टिम मेलिना राईबाट फाइनलिष्ट बनेकी दुरालाई विहिबार बेसीशहरको युनिर्भसल एकेडेमी र भिमसेन स्थानमा सन्जिता दुरा जिताउ अभियान कार्यक्रम गरिएको हो । 

कार्यक्रममा दुराले साङ्गितिक प्रस्तुती सँगै आफ्नो गायन यात्राको बारेमा जानकारी गराउदै आफूलाई जिताउन भोटको अपिल गरेकी थिइन् । राष्ट्रिय लोक तथा दोहोरी गित प्रतिष्ठान जिल्ला कार्यसमिति लमजुङले आयोजना गरेको सन्जिता दुरा जिताउ अभियान कार्यक्रममा दुरालाई जिताउन कार्यक्रमस्थलमै विभिन्न व्यक्तिहरुले स्वतःस्फूर्त आर्थिक सहयोग गरेका थिए । 

ब्लाइन्ड अडिसनमा दुरा समुदायकी अग्रज लोकगायिका बिमा कुमारी दुराको चर्चित गीत ‘लमजुङ तुर्लुङकोट’ प्रस्तुत गर्दै चारै जना कोचलाई टर्न गराउन सफल सन्जिताले सुरुदेखि नै दर्शकको मन जितेकी थिइन् ।  २०५७ सालमा जन्मेकी सन्जिता बुबा सुरेशकुमार दुरा र आमा सूर्य माया दुराकी कान्छी छोरी हुन् । औपचारिक रूपमा संगीत सिक्न थालेको समय छोटो भए पनि सञ्जिताको प्रस्तुति भावनात्मक, मौलिक र आत्मविश्वासले भरिएको छ ।

कार्यक्रममा चर्चित गायिका माया गुरुङले सन्जिता जिताउ अभियानमा सवैले साथ सहयोग गर्न अपिल गर्दै जितको आर्शिवाद सहित शुभकामना प्रदान गर्नुभएको थियो । प्रतिष्ठानका अध्यक्ष प्रसान्त तामाङको अध्यक्षतामा भएको कार्यक्रमको सहजिकरण प्रतिष्ठानका पुर्वअध्यक्ष  एवं सञ्चारकर्मी अनुज अधिकारीले गर्नुभएको थियो । सन्जिता दुरालाई शुक्रवार साँझ ९ बजे सम्म भोट गर्न सकिनेछ । 

भ्वाइसको नेपाली इतिहासमा पहिलोपटक सबैभन्दा धेरै महिला प्रतिस्पर्धी फिनालेमा पुगेका हुन् । शुक्रबार र शनिबार प्रसारित एपिसोडबाट भ्वाइसले तिन महिला सहित चार फाइनलिस्ट प्राप्त गरेको हो । टिम प्रमोद खरेलबाट पुनम गुरुङ, टिम मेलिना राईबाट सञ्जिता दूरा, टिम खेम सेन्चुरीबाट सागर संसार राई र टिम राजु लामाबाट नीताकुमारी थापा फिनालेमा प्रवेश गरेका छन् । 
 

सुन्दरबजारको पर्यटन प्रवद्र्धन भिजुअल सामाग्रि प्रतिस्पर्धाका उत्कृष्ट तिन जना पुरस्कृत

मर्स्याङदी समाचार, १८ असार सुन्दरबजार नगरपालिकाले आयोजना गरेको “पर्यटन प्रवद्र्धन भिजुअल सामग्री प्रतियोगिता“ को नतिजा सार्वजनिक गरिएको छ

साहित्यकार मिश्रको ‘भजनागोः शिव महिमा’ भजन सार्वजनिक 

मर्स्याङदी समाचार, ३ फागुन ।  सामाजिक कार्य र साहित्य क्षेत्रमा क्रियाशिल लमजुङका लक्ष्मी प्रसाद मिश्रको भजनागोः शिव महिमा सार्वजनिक भएको छ ।

लमजुङका १५ वर्षिय गितारिष्ट समिप न्यौपानेको टर्कीमा मौलिक प्रस्तुती

मर्स्याङदी समाचार, १७ कातिक ।   लमजुङका १५ वर्षिय युवाले अन्तराष्ट्रिय गितार बजाउने प्रतियोगितामा सहभागि भई उत्कृष्ट प्रस्तुती दिएका छन् ।